Dakong natun-an: An open letter in Visayan

Pasiuna 
Una sa tanan, kini ang pinakauna nako nga blog nga naka-Visayan. Wala lang, tistingan lang nako. At least, na-try nako mag-post in Visayan. Tanan man gud nakong mga gipang-post dinhi puro English. Wala koy gisulat diri nga nagpaila sa akong linggwahe nga akong nadak-an sa pipila ka tuig. Daghan ko'g mga rason nganong nag-desisyon ko nga magbuhat ani nga blog sa naingong diyalekto. Una, pipila na lang ka adlaw ang nabilin sa ako nga magbisaya kay tungod sunod Sabado, molargahay nako sa Manila which is Tagalog na ang ilang sinultihan. Siyempre, Bisaya gud ko. So, malamang mingawon ko sa mother tongue nako, kay puro na Tagalog akong isulti pag-abot nako dadto. Ikaduha nga rason nganong nag-Binisaya ko karon kay para magpaila nga Bisaya ko og wala ko'y plano nga ilimod kini sa katibuk-an. Ikatulo, sa sumusunod nga tuig nga siguro mahimo nako'ng inahan sa akong mga anak, at least, mabasahan nila ni og ila ning masabtan og maila nga kini ang akong sinultihan jud aside sa English, Tagalog og in the future, German, kung ma-master na nako. Hehe.

1. Ang akong paglarga. 
Karon Agosto 23, molargahay ko'g Manila para magtuon og German sa pipila ka mga bulan. Gikan Agosto hangtud Nobyembre, naa ko dadto. Ang rason pud nganong moadto ko'g Manila kay para mag-take og exam sa A1 nga gikinahanglan sa German Embassy para ma-approve akong mga papel para sa posibleng pag-migrate nako. Puhon, maayong Ginoo.

2. Ang akong gigikanan.
Gikan ko sa lugar nga Binisaya ang sinultihan. Og sa dihang diha ko gikan, akong ipanghambog nga Bisaya ko og dili ni angay nga akong ilimod sa kadaghanan labi na kung naa nako dadto.

3. Ang akong mga anak.
Labi na nga gapaduol na ang mga bulan nga ako maminyo na sa akong uyab nga German, sa akong edad, ako nang gi-expect nga mahimo jud kong inahan. Busa, para dili nako mahikaw ang akong pagka-Bisaya, ako silang tudluan og angay nila mahibaw-an ang gigikanan nako. Kung aha ko nagdako, nagdalaga, og nagminyo. Kung moabot ang adlaw nga ila ning mabasahan, wala koy ikamahay kay ako mang gipakita sa ilaha nga dili nako ihikaw sa ila nga Bisaya pud sila.

Sulat sa taga-sulat: 
Nalingaw ko og himo ani nga blog tungod kay Binisaya kini og pinakauna pud ni nga blog nako nga Binisaya. At least, naa ko'y gipang-post diri nga nagpaila jud sa akong diyalekto. Dili puro English. Mao ra ni sa pagkakaron. Salamat sa pagbasa.